رواية أمل الحياه حياة وكريم حصرية كاملة (الفصل 1 الى الفصل الواحد والاربعون 41 ) "يارا عبد العزيز'"

نفسه تفتح عينيها وتقوله انا كويسه 
وصلوا المستشفى وشالها ودخل بيها وهو بيزعق في الممرضين والدكاتره أن حد يجي يشوفها 
دخلوها الطورائ ومنه لغرفه العمليات وكل دا كان تحت نظرات الړعب منه
حياة كانت في اللي كان بيبص للفراغ اللي قدامه بشرود اتكلمت بحب 
ريان
ريان بصلها بانتباه واتكلم بهمس وهو بيمسك ايديها 

نعم يروحي!
حياة برقه وزعل انت لسه زعلان عشان موضوع ابيه محمود انا والله مكنش قصدي اتجاهل وجودك انا بس عشان مكنتش مستوعبه كل اللي بيحصل وكنت مبسوطة اوي بوجوده حبيبي انت عارف ان عمري ما اتجاهل وجودك واني بحبك صح
قبل ايديها بحنان واتكلم بحنان 
عارف والله ومش زعلان منك
اتكلمت بهمس واستغراب اومال سرحان في ايه اول مره تبقى جانبي ومش معايا كدا! 
هو فيه حاجه حصلت!
بتفكر في موضوع طنط فريده
حاول يغير الموضوع اتكلم ببأبتسامه وهو بيبص لبطنها 
حاسس ان بطنك بدأت تكبر ولا انا متهيألي
ابتسمت ملئ شفتيها ومسكت ايديه وحطيتها على بطنها 
انا بقيت في نص التالت مبسوطة اوي بجد كل لما بيكبر فرحتي بتكبر معاه كلها خمس شهور ونص وينور حياتنا عارف احلى حاجه ايه
ابتسم بحب لفرحتها واتكلم بحنان 
ايه يحبيبتي
حضنت خده بكف ايديه واتكلمت بدموع الفرح 
انه منك انت وانه حته منك يلهوي هو بجد فيه جزء من ريان بيكبر جوايا كل اما استوعب احس اني طايره من فرحتي ولسه لما يجي بقى ويكبر في وسطنا انا عايزاه نسخه منك في كل حاجه ملامحك القمر وشخصيتك القويه على فكره البيت مش هيخلص من البنات والمعجبات لو طلع شبهك الله يكون في عون مراته بقى من اللي انا شايفاه دلوقتي
قبل كف ايديها بحنان واتكلم بهمس 
و دا على اساس اني مثلا فا الله
يكون في عونك انتي عارفه اني مش شايف ولا هشوف غيرك
ابتسمت بعشق ما هو دا اللي مصبرني 
و بعدين انت اصلا متقدرش تبص لغيري يحبيبى انت عارف ايه اللي
هيحصل وقتها
اتكلم بحنان حتى لو مش هتعملي حاجه انا عمري ما هبص لغيرك خليكي واثقه
انكمشت ملامحها واتكلمت بغيره وحده 
كنت تعرف كام واحدة غير نسمه!
اتكلم بعشق وهو بيقبل كتفها بحنان 
معرفش ومعرفتش حد غير حياة وبس الباقي لا يذكروا في حياتي اصلا يحياة
ابتسمت بدموع وفرحه
كبيره 
بجد يا ريان!
بجد يعيون وقلب ريان 
فاكره يحياة انا قولتلك قبل كدا انا طول عمري كتاب مفتوح لنفسي فاهم كويس اوي انا عايز ايه بس معاكي انتي مش فاهم مشاعري بس لما اكتشفت اني بحبك بجد اكتشفت اني قبلك كنت ضايع ولما انتي جيتي فهمت انا عايز ايه
اتكلمت بهمس وحب 
و طلعت عايز ايه!
همس بعشق واتكلم بحنان مفرط 
مش عايز الاقي اللي كان مع فريده واخدك ونسافر في جزيره مفيهاش ناس ونبقى مع بعض لوحدنا العمر كله واعمل معاكي ذكريات كتير اوي
اتكلمت بلهفه وفرحه طب ما احنا فيها تعال نمشي وانا هروح معاك لاخر الدنيا والله
اتكلم بالم ودموع مش كل حلم بنحلمه بنقدر نحققه يحياة الموضوع برا ارداتي للاسف
حس بدموعها اتنهد بحزن واتكلم بحنان 
عايزين نحدد معياد العمليه بقى عشان مامتك
اتكلمت بحزن 
ابقي كلم الدكتور انت وابيه
ريان بحنان وهو طب ممكن تفكي بقى بطلي عياط ما انا جانبك اهو
اتكلمت بصوت مخڼوق مش عايزة اتكلم في الموضوع دا بيخقني وانت اصلا مفيش فايده فيك انا مفوضه امري ل ربنا عشان كدا مكمله وعايشه
كان لسه هيتكلم بس قاطعته وهي بتتكلم بحزن 
ريان انا عايزه انام تصبح على خير
قبل رأسها بحنان وحزن وهو بيتنهد بقلة حيلة 
و انتي من اهله يحبيبتى
خد فونه من على الكومود وفتحه ورن على امجد بلغه انه مش هيجي الشركه وحط الفون على الكومود وذهب في نوم عميق وهو
في المساء 
محمود كان واقف قدام غرفه العمليات رايح جاي پخوف شديد 
خرج الدكتور جري محمود عليه واتكلم بلهفه وخوف 
رندا رندا كويسه صح
اتكلم الدكتور بارهاق
مش لاقيين فصليتها في المستشفى الفصيله نادره جدا لو سمحت اتصرف اي دقيقه بتمر عليها خط ر على حياتها
محمود بړعب وڠضب يعني ايه مش لاقيين الفصيله يعني ايه!
فصليتها ايه
الدكتور پخوف o سلبي لو سمحت اتصرف لازم في خلال نص الساعه بالكتير
هز محمود راسه پخوف واتكلم بلهفه 
حياة دي فصيله حياة بس مش هينفع حياة حامل وكدا هبقى بعرض حياتها للخطړ
بدأ يفتكر اللي حصل في المستشفى وقت ما كانت حياة عايزه تتبرع لريان لانه نفس الفصيله اتكلم ببعض الامل ولهفه كبيرة 
ريان
مسك تلفيونه ورن عليه پخوف شديد وهو بيبص للساعه في فونه 
صحي ريان على صوت رنين هاتفه بص للساعه اللي متعلقه على الحيطه لاقها عشره 
اتعدل في قاعدته وحط راس حياة على رجله بحنان وفتح الفون واتكلم بنعاس 
الو
محمود اتكلم بلهفه وخوف شديد 
ريان تعال بسرعه على مستشفى الامل بسرعه يا ريان ارجوك
ريان بخضه وخوف 
مستشفى ليه انت كويس
محمود پخوف شديد ايوا بس تعال بس ولما تيجي هفهمك المهم تيجي دلوقتي مفيش وقت ارجوك يا ريان باقصى سرعه
عدل حياة على المخده ودثرها
في الغطاء جيدا وقام بسرعه لبس هدومه وراح على المستشفى ووصل في رقم قياسي وهو مړعوپ على محمود
محمود جري عليه اول اما شافه جاي واتكلم بصعوبه من وسط خوفه وهو بيبص على الساعه 
ريان رندا في العمليات ومحتاجه نقل ډم وهي نفس فصيلتك مفيش وقت لازم تدخل تتبرعلها
دلوقتي
ريان حس بالړعب بينهش في قلبه اتكلم پخوف وحاول يبقى هادي عشان محمود ونظرات الخۏف اللي كانت في عينيه 
حاضر بس اهدى هتبقى كويسه
إن شاء الله
دخل ريان مع الممرضه وسحبوا منه كميه ډم كبيره 
كان حاسس بدوخه قام من على كرسي السحب وهو حاسس بارهاق 
اتكلمت الممرضه باحترام 
ريان باشا حضرتك المفروض تاكل اي حاجه والمفروض تتحط تحت المرقبه انهاردة باين ضغط حضرتك وطي
ريان هز راسه بالنفي وهو حاسس بدوخه وخرج من غرفه السحب وفضل واقف مع محمود منتظرين رندا تخرج من العمليات وكل واحد فيهم مړعوپ عليها
ريان مكنش لاقي اي تفسير لخوفه ووقوفه جنب رندا كان جواه احساس قوي انها مسؤوله منه وكلامها وهي بتقوله ينفع تبقى زي اخويا بيتردد في دماغه
فضل يهمس وهو بيدعلها وحاسس بالخۏف بينهش في قلبه
خرج الدكتور الاتنين جريوا عليه 
اتكلم محمود پخوف شديد 
بقيت كويسه صح
الدكتور ببأبتسامه وارهاق 
الحمد لله عديت مرحله الخطړ 
كمل وهو بيبص لريان حضرتك لازم تستريحي انت اتبرعت بكميه ډم كبيره حتى باين عليك التعب
ريان بهدوء وارهاق انا تمام المهم هي تبقى كويسه خلوا بالكم منها ولو احتاجت اي حاجه بلغنا وااه طلعها جناح مش غرفه
هز الدكتور راسه باحترام وخرج
ناديه كانت قاعدة في البيت وهي مړعوبه بسبب ان رندا اتأخرت قالتلها ممكن ترجع على الساعه تسعه ودلوقتي الساعه حداشر وموصلتش 
خرجت من البيت تشوفها جايه ولا لأ 
وقفت على الباب الخارجي للعماره واتفاجات على الارض وتلفيون رندا جانبه
نزلت لمستوى الهاتف بړعب وخوف شديد وهي بتتمنى ميكنش فون رندا 
فتحت التلفيون واتأكدت انه بتاعها 
الخۏف بدأ ينهش في قلبها وضربات قلبها كانت شبه بتقف 
مسكت تلفيونها ورنيت على مجدي واتكلمت پخوف شديد وبكاء 
الو مجدي رندا لسه مرجعتش من برا لحد دلوقتي ولاقيت تلفيونها مرمي قدام البيت ابوس ايديك شوفلي بنتي فين حاسه ان قلبي هيقف 
مجدي پخوف شديد ايه!
طب اهدي اهدي وانا جاي بسرعه مسافه الطريق وهكون عندك
قفلت معاه 
ربنا يحميكي يبنتي ربنا يحميكي يا رب ما يكون بتاعها يا رب انا عارفه اني عملت كتير متضرنيش في ولادي يا رب اتوسل اليك احميلي بنتي ياا رب
قامت حياة من النوم فردت ايديها جانبها وهي بتبتسم استغربت لما لاقيت ايديها بتنزل على السرير
فتحت عينيها وفركتها بنعاس واتكلمت باستغراب 
هو قام راح فين!
مسكت موبايلها ورنيت على ريان واستنته يرد وهي بترفع الغطاء عليها اكتر وحاسه ببعض البروده 
اتكلمت برقه وتساؤل 
حبيبي انت فين قومت من النوم ملاقتكش جانبي
فيه حاجه ولا ايه
سكت شويه وحس انه مينفعش يقولها عشان ميخضهاش اتكلم بحنان 
انا روحت الشركه في شغل
مهم متشغليش بالك انتي لسه صاحيه
حياة بهدوء ااه واضايقت لما ملاقتكش جانبي كنت قولتلي انك خارج
اتكلم بحنان وحب وهو بيحاول يخلي نبره صوتها طبيعي لان صوته كان باين عليه الارهاق
ما انا محبتش اصحيكي المهم قومي دلوقتي خدي دش وكلي وخدي علاجك ولو لاقتني اتأخرت ابقي انزلي نامي عند مامتك
حياة بحزن انت ممكن تبات برا!
انت عمرك ما عملتها! ريان متبتش برا انا مش هنام الا لما تيجي أو خلي السواق يوديني ليك الشركه
اتكلم بهدوء وحنان خلاص يحبيبتى هحاول متأخرش عليكي المهم اعملي اللي قولتلك عليه
اتكلمت بهدوء وهي حاسه ان صوته فيه حاجه غريبه 
تمام!
قامت من مكانها وخديت دش واتوضيت وصليت فرضها و
فضلت تدعي وهي پتبكي بقوه ورافعه ايديها
يا رب تحميه ليا انا وابنه وتحفظه من اي شړ وسوء يا رب تشيل الفكره دي من دماغه انا عايزاه جانبي مش هقدر اعيش من غيره متخليهوش يلاقيه يا رب متخليهوش يلاقيه
فضلت ټعيط بقوه وفكره انه ممكن يروح منها بترعبها وبتخلي روحها تنسحب منها 
ازاي عايز يسيبها بالسهوله دي وهي مبقتش قادره تعقد ثانيه واحده من غيره 
حاسه انها بقيت بتتنفسه بقى بالنسبالها عامل حيوي مش هتقدر تعيش من غيره
فضلت ټعيط لحد اما حسيت بالم شديد في معدتها حطيت ايديها على بطنها پخوف
حسيت انها مش قادره تقوم من مكانها من فرط تعبها حاولت تسند على الارض بس مش قادره
قامت وقفت بصعوبه وطلعت برا الجناح وهي ماسكه بطنها بالم شديد وبتتكلم بصوت عالي نسبيا 
ااااه يا ماما يا تيتا حد يلحقني
لاقيت واحدة من الخدم جايه عليها بسرعه وخوف 
حياة هانم انتي كويسه
هزيت راسها بالنفي واتكلمت پألم وهمس
لا ناديلي ماما وتيتا لو سمحتي 
روايه امل الحياه بقلم يارا عبدالعزيز
نزلت الخدامه بسرعه وناديت على فردوس وفاطمه اللي طلعوا جري وفردوس طلعت بمساعده فاطمه وسلوى 
طلعوا لاقوا حياة قاعدة على السرير وماسكه بطنها وبتتأوه بالم
فردوس پخوف شديد مالك يحياة حاسه بي ايه يحبيبتي
حياة بالم شديد وارهاق 
مش قادره يا ماما بطني بطني بتوجعني اوي حد يرن على ريان خليه يجي رني عليه يا تيتا
فاطمه پخوف اهدي يحبيبتى وقوليلي الۏجع فين بالظبط 
فيه ۏجع في ضهرك 
هزيت راسها بالنفي واتكلمت بارهاق 
لا بطني مش قادره انا خاېفه اوي ابني ابني ماله
كملت بعصبيه وبكاء حد يرن على ريان انا عايزاه
اتكلمت فردوس بدموع وقلق 
خلينا نروح المستشفى احسن انا مش قادره اشوفها كدا
طلعت فريده على الصوت وبصيت لحياة پخوف واتكلمت بړعب 
هو فيه ايه الولد كويس
فاطمه اتجاهلتها وبصيت لفردوس 
مفيش داعي للمستشفى يفردوس يبنتي احنا هنديها مسكن دا اكيد ۏجع طلق كاذب وهيروح بالمسكن
هزيت فردوس راسها پخوف وفاطمه اديت لحياة حباية مسكن وغطتها كويس وفضلت تملس على شعرها بحنان 
اتكلمت حياة بدموع وهي ماسكه في ايد فردوس اللي قعدت جانبها على السرير بمساعده سلوى 
ابني يا ماما انا خاېفه