رواية دكتور نسا الفصل التاسع والعشرون 29بقلم فريدة الحلواني

هيجبلك حقك من كل الي ظلمك...ضحكتك هترجع تاني تنور وشك...بس انتي ادعي بيقين 
هقولك مقوله عجبتني
من عامل الله باليقين ...فاجأه بالمعجزات
استبشري خير..الي جاي احلي بامر الله انا واثقه 
و بحبك
فاليوم التالي لاحظ الجميع عدم ظهور الحاجه عفت في الارجاء...حتي وقت الافطار لم تكن حاضره معهم
و حينما سالتها نرجس قالت ...مش جادره هنعس اشوي و أبجي افطر لما اصحي
عثمان باهتمام يعني امك تعبانه و لا ايه...مش بعاده تنعس لدلوك
نرجس لاه مش تعبانه ياخوي...شكلها زعلان مالي حوصل من يوميتها و هي مسهمه و مريداش تتحدت ويا حدي واصل
زفر عثمان بهم و قال حجها ...الي عريفته مش هين...روحي اجعدي مع رغد و اني هطلع اطل عليها
بينما كان في طريقه الي جناح امه قبل تحيه
وقفت امامه تناظره بغيظ فقال خير يا مرت عمي ...فيكي حاجه
تحيه الي فيا كتير يا ولدي ...بس اني مش هكتم خاشمي اكتر من اكده
نظر لها بشك و قال خير ...جولي الي عنديكي
تحيه برعونه اني ماعاجبنيش الحال الي بتي فيه...
بدات تظهر عليه ملامح الڠضب وهو يقول بحسم مرت عمي....الي بيني و بين بتك شي يخصنا....هي اشتكتلك
تحيه لاااه ...مش لازمن تشتكي...انا ناضره بعيني كل شي...من وجت ما اتجوزت عليها و انت مهملها...حتي بعد الي حوصل و انت لازج لبت العبايده
نظرت له بخبث و اكملت كان المفروض اول ما تيعرف عمايل بت عمها الشينه كت تطلجها....ايش دراك انها متكونيش زييها
هنا و لم يتحمل ان يسمع كلمه اخري...فهي لا تتهمه بالتقصير مع ابنتها فقط ....بل تشكك في رغده ..اطهر خلق الله ..كما يقول بداخله
عثمان پغضب لحدت اهنيه و معايزش اسمع كلمه منيكي....انتي خابره معنات حديتك ديه
تحيه بتبجح ايوه خابره ا....
قاطعها بصياح بااااس...و لا كلمه...لو بتك اشتكتلك....ديه شي تاني....انما ابداااا مهجبلش تجولي كلمه علي مرتي الطاهره
لو وحده مكانها كانت ولعت الدنيا حريجه و مكناتش اتحملت كلت ديه
بدال ما نحطوها فوج روسنا ...هنطلع عليها كلام شين
اسمعي ...فكري بس تجيبي سيرتها مع اي مخلوج....هكون دافنك في ارضك ...ساااامعه
حضرت نرجس و عائشه علي اثر صياحه.
سالت الاخيره بوجل في ايه خير يا رب
نظر لها بلوم ثم قال مخبرش انتي شاكيه لامك مني ...و لا معجباكيش العيشه وياي
نظرت له پصدمه و قالت مدافعه عن حالها وااااه مين جال اكده...نظرت لامها و قالت پغضب مكتوم اني اشتكيت منيه ياما...اني جيبت سيره جوزي...ليه اكده
تحيه مش لازمن تشتكي ...اني امك و ادري بحالك
عائشه لااااه...مدرياش ياما...نظرت له و اكملت بدفاع و الله يا واد عمي ما نطجت شي واصل ...و يعلم ربي اني حامده ربي و شكراه
انت عمرك ما جصرت وياي في حاجه...و بجيت تعاملني احسن مالاول كماني
و رغد اني اعتبرتها خيتي ...و مافيش جواتي ليها شي واصل غير المحبه
تركهم عثمان دون ان يتفوه بحرف
نظرت نرجس پغضب الي تحيه و قالت متخربيش علي بتك حرام عليكي
انتي مالك ...بتدخلي ليه...كلياتنا ناضرين الي بيعمله خوي يبجي ليه النكد يا مرت عمي
تحيه بتي و رايده مصلحتها و اخوكي عشج بت العبايده...اءا كان ضميره مخليه يعامل بتي زين
دلوك...بكره تلحس عجله و تخليه يطلجها
صړخت عائشه من بين دموعها التي انهمرت حزنا حرام عليكي ياما....همليني فحالي
راجلي زين و مراعي ربنا فيا ...و مجصرش وياي....و لاهو اول و لا اخر واحد يتجوز علي مرته...و اني الي ليا عنديه العدل
الي هتجولي عليه هيطلجني ...كان بايت في فرشتي ياما....همل البت الي فديته بروحها و جالي لحل ما يراضيني
هعوز ايه اكتر من اكده ...و البت الغلبانه